更多照片>>>
Lavina揚言不介意行性感，更謂每次作性感打扮均能找到自信的感覺。
34E、 24、 36
Lavina有份參與網劇《夏之盛放》，自言眼神「殺死好多男仔」。
愛到沙灘玩的 Lavina，為保養搵食架生每晚均會全身塗上潤膚露。
性感o靚模自信爆棚 Lavina 34E破胸而出肉戰群雌 (蘋果日報) 2009-06-01
聞名不如見面，近距離感受 34E巨咪鍾蕙芝（ Lavina）在池邊碧波蕩漾的震撼，實在令人難以忘懷。這位同學仔口中的大波妹，原來波大有腦，乘 E Cup Baby劉欣宜封胸之際，力圖以性感殺出一條血路，爭奪 E Cup暴族盟主。
近日 E Cup Baby劉欣宜封胸走密實路線，新晉o靚模鍾蕙芝即連番大賣 34E巨咪，擺明車馬趁勢搶飯碗。現年 21歲的 Lavina日前穿上三點式泳衣，接受本報專訪兼嬉水作樂。清楚知道個人賣點的她，自言不介意走性感路線，她說：「我唔覺得性感有乜嘢問題，都係一種美感，每次性感打扮都畀到我自信嘅感覺。」
戒吃煎炸食品
Lavina對其 34E、 24、 36的三圍非常自豪，表示全部得自母親的優良遺傳，她說：「我媽咪同家姐身材都好好。」中學時曾因咪咪太過豐滿而成為校中男同學的目標，對此她說：「我知道有男同學背後叫我大波妹，對於呢個名我都唔係好嬲，我諗佢哋都係講吓笑，冇惡意嘅。」
問 Lavina平日有甚麼護胸心得？她說：「我平時好鍾意去沙灘玩，由於之前參與拍攝工作，我要濕身，但事後又冇即時冲身，皮膚依家有啲敏感。」為了保護「搵食架生」， Lavina每天晚上冲凉後，會全身塗上潤膚露以保持肌膚幼滑。為免身體出粒粒，她也戒吃熱氣和煎炸食品。
踩 Kama冇性格
對於時下一眾o靚模， Lavina有讚有彈，提到 Angelababy（楊穎）便讚不絕口，她說：「佢個樣好靚，好可愛，身材又夠瘦，完全係我心中嘅女神。」那 Janice Man（文詠珊）又如何？ Lavina說：「 Janice做戲嘅演技越嚟越好，但我嫌佢個樣太 cool，如果笑多啲會靚啲。」
可是提到賣可愛笑容的 Kama（羅凱珊）時，她卻批評說：「佢都好可愛，但我覺得佢冇乜嘢自己嘅性格，我認為做藝人，要靚過你嘅大有人在，不過若有自己嘅性格，會比較容易突出到自己。死啦，我咁話佢，佢會唔會喊㗎？」言語間似暗寸 Kama愛用眼淚攻勢博見報。
