34D Maggie胸襲微波 Baby
JJ 性感低胸不怕走光
矮仔多情電影首映人多似宴客
無綫娛樂新聞台：《矮仔多情》首映 2009-06-23
有線娛樂新聞台：《矮仔多情》首映禮 2009-06-23
矮仔王祖藍一拖四美，羨煞幾許男士。
動漫 Maggie的吊帶低胸裙，令其豐滿上圍更見澎湃。
為了在眾女中突出， Angelababy也谷胸上陣，身材玲瓏浮凸。
周秀娜拖仔鬥群雌 34D Maggie胸襲微波 Baby ((蘋果日報) 2009-06-25
由矮仔王祖藍聯同多位女藝人合作的電影《矮仔多情》舉行首映禮，一眾靚女成為焦點，均盡地一煲大騷性感，胸群而出， Race的泰山谷胸裝力拼動漫 Maggie的巨乳裝及 JJ的 deepＶ大露背，實行互相輝映，各自各精采。
電影《矮仔多情》前晚在尖沙嘴海運戲院舉行首映禮，演員除男主角王祖藍外，全部清一色女將，包括黃婉伶（ Race）、賈曉晨（ JJ）、 Angelababy（楊穎）、官恩娜（ Ella）及周秀娜等，撐場嘉賓有李曼筠（動漫 Maggie）、鄭希怡、鍾舒漫等。
Race艷舞悶人
女藝人均以性感打扮上陣，其中以動漫 Maggie的 34D及低胸 JJ最索，動漫 Maggie的吊帶超級低胸裝，令她酥胸半露，而 JJ的低Ｖ大露背也不輸蝕， 2R的 Rosanne以黑色透視裝配上熱褲， Race的斜膊谷胸裝令其上圍更顯突出，連身形瘦削的 Angelababy也谷胸上陣。
Race的斜膊十分搶鏡，加上衣服有些谷胸效果，令其身材更加豐滿，她說：「喺戲度有場戲係我一邊跳艷舞一邊自摸，我喺屋企跳畀家姐睇，佢親自示範，我覺得家姐仲跳得好過我，喺正式拍時係有啲尷尬，我拍嘅時候係對住王祖藍跳，初時佢睇得好開心，不過 NG咗幾次，王祖藍竟然睇到瞓着咗，佢真係打擊我嘅自信心。」
JJ唔敢亂郁
JJ的前Ｖ後露背裝也不遜色，但不時也用手輕掩胸前，她說：「呢件衫係朋友送畀我，不過我從未着過，因為要睇場合，我都覺得好性感，所以我都唔敢郁咁多，為咗防走光，我貼晒膠紙，唔怕嘅。」另外，周秀娜有男友相伴，不過兩人初時卻尷尷尬尬欲避開記者，但仍然被捉個正着，二人最終就範合照。首映禮後眾星移師到尖沙嘴區一間酒吧舉行慶功派對。
