椋名凜享受翻版C朗的推油技術。
椋名凜和外籍猛男在泳池玩得甚High。
椋名凜被嫩版曉積文抱實準備拋落水。
椋名凜被拋下水時嚇得依嘩大叫。
椋名凜被翻版C朗輕易舉到半空中。
翻版C朗與椋名凜玩控球兼騎膊馬，親密無間。
椋名凜與翻版C朗蜜蜜飲，身後的嫩版曉積文十分無癮。
翻版C朗為Rin推油，氹到她一副冧樣。
Rin和翻版C朗玩騎膊馬時，兩人笑到見牙唔見眼。
嫩版曉積文將Rin抱起拋落泳池。
夾頭
Rin用腳夾著翻版C朗的頭，玩得不亦樂乎。
拋胸
Rin拋胸爬上池邊，令正在歎凍飲的嫩版曉積文眼睛大吃冰淇淋。
蜜照
翻版C朗為Rin和嫩版曉積文拍攝甜蜜合照。
椋名凜胸戰兩男失控漏奶（東方日報）2009-08-12
椋名凜日前相約兩猛男到泳池嬉春，大拋35E導彈身材，更左攬翻版C朗、右抱嫩版曉積文，游走兩男之間，表現豪放的她甚至巨胸壓頂大玩騎膊馬，令泳衣移位大露南半球，以日版Paris Hilton之名闖香港的她，果然學足正版，特別鍾情翻版C朗！
日籍女模椋名凜（Rin），出道以來肯搏肯露，成功在一眾G模之中殺出一條血路，隨着知名度大增，Rin繼續我行我素，縱使捲入虛報年齡及曾拍全裸寫真風波，仍無損大好心情。擁有勁爆35E身材的Rin，日前穿上三點式泳衣，與貌似球壇靚仔基斯坦奴朗拿度（C朗）及嫩版狼人曉積文的兩名型男，結伴到恒豐酒店泳池戲水。
池邊享受推油
早前正版Paris Hilton與C朗搭上，有日版Paris Hilton之稱的Rin亦學到足，情傾翻版C朗。三人先在泳池邊互相拍照熱身，之後翻版C朗見Rin欲享受日光浴，便即獻殷勤，為伊人在全身塗上太陽油，Rin不但沒有抗拒，更一臉享受表現冧爆。此時，Rin發現在旁的嫩版曉積文悶悶不樂，即主動撩對方傾偈，逗得對方哈哈大笑，更出其不意抱起她，旋即拋她下水，開一個大玩笑。
被掟落水的Rin雖然嘩鬼叫，但不怒反笑，翻版C朗即識做地跳進池內陪她暢泳兼玩騎膊馬，發揮正版C朗強項「控球頂波」，結果Rin細小的比堅尼上衣不慎移位令「咪咪」出走，露出南半球。經一輪廝磨，Rin和翻版C朗齊齊到池邊飲冰凍飲品降溫，只見兩人愈傾愈埋，35E上圍幾乎貼緊男方胸膛，令嫩版曉積文相當無癮急急叫離開，Rin則拉着兩型男齊到池邊留影，才捨得換衫走人。
趁約會練英文
其後記者致電Rin，問她為何兩男一女同行？Rin說：「因為大家都係同公司嘅同事，成日都有機會傾偈所以好熟，加上我想練好啲英文，咪多啲一齊囉！（有冇發展機會？）我身邊有好多男仔，慢慢睇吓先，每個人都有機會，視乎佢哋嘅表現啦！」談到她與翻版C朗似乎最投契，Rin冧爆說：「翻版C朗好勁㗎，佢係羅馬尼亞連續三屆最受歡迎男模，又成日上國際雜誌封面。」
椋名凜推油肉搏翻版C朗（太陽報）2009-08-12
o靚模惡戰連場，大戰埋身之際，椋名凜依然心情輕鬆，相約兩猛男泳池嬉戲，力騷35E導彈身材，左右逢源享受翻版C朗（基斯坦奴朗拿度）及嫩版曉積文攬實拋高，大呼小叫之餘更互騎膊馬，最後不慎酥胸半露。
隨着o靚模大戰，椋名凜（Rin）被捲入虛報年齡及曾拍全裸寫真風波，不過身家豐厚的Rin，未如屋邨o靚模及人氣下滑的偶像歌手般緊張戰果，縱使四面受敵依然心情大好，日前更相約兩名外籍靚仔齊齊泳池嬉戲。
35E的Rin穿上三點式泳衣，豐滿上圍一步一搖晃，吸引全場注意，而陪伴她身邊的兩名靚仔更是引死人，均擁有模特兒高大身形，結實肌肉襯健康膚色，其中一人甚有球壇靚仔C朗風範，另一位就貌似嫩版狼人曉積文。型男美女組合結伴到恒豐酒店泳池，甫到場便熟練地揀好沙灘椅，繼而互搽太陽油，完全不用熱身已打成一片，其中翻版C朗主動幫手服侍Rin推油，出動雙手不停在她身上游走，氹到Rin一副冧樣，狀甚享受，完全當身旁的嫩版曉積文冇到。
齊玩騎膊馬
日本妹出名善解人意，Rin享受完翻版C朗推油後，馬上主動撩嫩版曉積文傾偈，傾得哈哈大笑，嫩版曉積文出其不意抱起她，大力拋落水，被掟落水的Rin繼續騎騎笑，翻版C朗即識做地落水陪她暢泳，與Rin齊玩騎膊馬兼撻落水，搞到Rin不時o依嘩鬼叫，經一輪親密接觸後，Rin細小泳衣搞到移位，酥胸半露仍絲毫沒有察覺。
雖然妝花髮亂，但靚仔當前，Rin一於懶理外表，以真性情示人，主動邀翻版C朗池邊Order冰涼飲品解渴降溫，邊飲邊傾兼愈傾愈埋，35E上圍幾乎貼近男方胸膛，兩人好傾到令嫩版曉積文猶如變成電燈膽，冇癮地獨自曬太陽，然後急急離開，Rin即識做地拉着他們影相，主動攬實嫩版曉積文，然後才齊齊換衫走人。
另外，前晚Rin和王友良結伴出席胡敏珊生日派對，對於o靚模尹蓁晞被指援交一事，Rin說：「日本模特兒人工高，又多男朋友，絕對冇需要做呢啲嘢！而且我一定唔會喺公眾場所親熱。」
